韓國過江龍又黎香港啦

炸雞界名牌Puradak黎到香港啦，tko第一日試業果陣已經同朋友講起但太飽無食一直都未有機會試，今個月佢黎到尖沙咀韓國街開業我終於有籍口去試啦 佢出味既原因係因為用左正宗手法先焗後炸既方法做，用左高溫焗減少油膩感再炸到外脆內嫩，入味又滑既雞所以成為炸雞界既名牌 半半炸雞🍗 心大心細可以叫半半炸雞，試兩款唔同味既雞，仲可以簡有骨/無骨，出奇地無骨同有骨價錢都一樣 簡左corn-so amazing同瘋狂蒜香味，黎到勁香會想一影完即刻食既感覺 🌽粟米味有真粟米，外皮好香脆，肉質滑嫩而且好入味，焗完再炸之後灑上粟米調粉，食落唔會好似粟米湯零食咁濃味，但會帶點甜味 🧄蒜香味睇介紹話會係口水炸開，但其實係爆多既蒜食完好香濃既蒜味，但真係好濃蒜味好食😋 雖然粟米味佢勁推，但兩個味中我比教中意食蒜香味，有機會想試埋其他味 炒年糕（秘製黑醋） 佢出黎賣相有d似香港街頭美食（腸粉），黑醋似甜豉油😂 但食落味道係真年糕同黑醋味，朋友話佢同黑炸雞既味有d似 平時年糕多數食泡菜味，泡菜味相對濃，而黑醋味就咸甜味適中，加埋蒜片一齊食好香 黑芝芝波 有原味同粟米味，粟米味上面既粟米粉比得好慷慨，勁香甜好好味，咬落去外到好脆入面有麻薯同芝士，食落好煙韌，整體黎講好中意好滿意 韓國梅子蜜 好飲，梅味香，唔太甜👍🏻👍🏻👍🏻 唔知係咪新年個個去曬拜年，唔算好多人食，開頭仲好擔心過江龍要等好耐 #炸雞 #韓國美食 #人氣炸雞 #韓國過江龍 (此文章由U Blog 同步發佈至社群)